ગરબાડા તાલુકાની શાળાઓમાં આજે શિક્ષક દિનની ઉત્સાહભેર ઉજવણી કરવામાં આવી. જેમાં પોલીસ સ્ટાફ દ્વારા પણ શિક્ષક દિનની ઉજવણી કરવામાં આવી હતી.
ભારતના પ્રથમ ઉપરાષ્ટ્રપતિ અને બીજા રાષ્ટ્રપતિ ડો.સર્વપલ્લી રાધાકૃષ્ણનની જન્મ જયંતી એ દર વર્ષે શિક્ષક દિનની ઉજવણી કરવામાં આવે છે. શિક્ષક દિનની ઉજવણીનો હેતુ દેશના તમામ શિક્ષકોના યોગદાનનો સન્માન કરવાનો અને તમામનો આભાર માનવાનો છે. આજે તા.05/09/2024 ના રોજ ડો.સર્વપલ્લી રાધાકૃષ્ણનની જન્મ જયંતી નિમિત્તે આજે ગરબાડા માધ્યમિક શાળા ખાતે ગરબાડા પોલીસ દ્વારા શિક્ષક દિનની ઉજવણી કરવામાં આવી હતી. જેમાં ગરબાડા પોલીસ દ્વારા માધ્યમિક શાળાના શિક્ષકોને પુષ્પગુચ્છ આપી તેઓનું સન્માન કરવામાં આવ્યું હતું. ત્યારે શાળા પરિવાર દ્વારા ગરબાડા પોલીસનો આભાર વ્યક્ત કરવામાં આવ્યો હતો.
